(اعرف)مميزات الطالب الازهري

يعني إيه طالب أزهري!؟

طالب أزهري مش مجرد طالب عادي دا من الخوارق للعادة !!

( أولا ) : 

عنده قدرة رهيبة علي الحفظ أكتر من أي طالب تاني ، يعني مثلا ف كل حكم شرعي كان بيحفظ رأي الأئمه الأربعه وأصحابهم وأصحاب أصحابهم وتابعيهم بإحسان إلي يوم الدين ولو ضغطنا عليه شويه ممكن يقول كانوا بيتقابلوا فين كمان :O في حين إن طالب العام مايعرفش مين الأئمة الأربعه دول أصلا 😂✌

( ثانيا ) :

 ثقافتة عالية جدا لو حطيناة في مقارنة مع أقرانة في وزارة التربية والتعليم الشقيقة ، يعني مثلا هتلاقية حافظ حجات طلاب التربية والتعليم ما يعرفوش يقرأوها حتي زي ألفية ابن مالك وشرح ابن عقيل والخريدة البهية! وليلة كبيرة أوي سعادتك 😂💪

( ثالثا ) :

 مهما لفيت في المجرة بحالها ومهما قابلت ناس وظروف "علي رأي الأستاذ الكئيب عمرو حسن" 😂 عمرك ما هتلاقي حد بينطق ولا بيكتب لغة عربية زي طلاب الأزهر وتقدر تتأكد من دا لو إتكلمت شات مع أي حد أزهري 💪 لدرجة إنهم ممكن يكونوا تفوقوا علي اهل اللغة في شبة الجزيرة العربية أساسا 😁

( رابعا ) :

 لما يفكر يتعلم أي لغة جديدة هتلاقية بيدي لكل حرف حقة في النطق وكل حرف بيخرج من مخرجة الحقيقي لأنة درس كل الكلام دا في التجويد ودا بيسهل العملية جدا ;-)

( خامسا ) : 

طالب الأزهر بيمتلك لغة حوار قوية جدا وعندة قدرة رهيبة علي إقناع أي حد بأي حاجة ويثبت حقة وحقوق الناس👌ماهو كان بيتطلب منة توزيع تركة راجل مات علي أهلة وجيرانة وأصحابة وحبايبة والراجل أساسا ما سابش غير 1000 ج وكان بعون الله بيوزع 💪😂

( سادسا ) : 

هيقدر يذاكر لولادة كل المواد حتي المواد العقيمة لأنة متعود طول حياتة يفتح الكتب يلاقي تعويذات سحرية ، يعني مثلا كان عندة أبيات شعر بتقول "شوا شوا وشاهشة علي ورق سفرجل .. وغرد القمر يصيح ملل في ملل" !! :O وكان بيعرف يحفظها والله وعادي جدا 😂

( سابعا ) :

 بيقدر يتحمل أي ضغط من أي نوع وتحت أي ظروف وكان بيقدر يعدي أكتر المواقف توتر في الكون إن شيخ يفتح المصحف ويقولك قول يابني بسم الله الرحمن الرحيم "وقالوا" طيب هما مين اللي قالوا !! طب عاوز أنة واحدة فيهم علشان هما كتير في القرآن ؟ طب إنت بتعاملني كدا لية طيب :'( وبردو طالب الأزهر كان بيستحمل كل دا وبيجاوب 💪😂

( ثامنا ) : 

لو اتكلمنا عن خفة الظل وروح الفكاهة واللطافة فمعذرة بقي دا انت قصاد أكتر ناس ضحكت في التاريخ جوا اللجان بسبب صدمات أسئلة الإمتحانات ، ما بيعرفش أصلا يفك شفرة السؤال وعلي ما بيوصل لآخر السؤال بيكون نسي هو الأستاذ كان طالب إية في أولة وبالذات في إمتحان الفقة 😂

(تاسعا):

 لو اتكلمنا بقى ع إمتحانات الأزاهره بص يا سيدي يكفي عبقرية الأزهري انه ف الهبد معنودش يمي ارحميني .. طالب بيجيله الامتحان ف الملغي😅.. طالب بيجيله تحدث عن كذا... هو يسكت لأ دا بيفتح حوار مع توت عنخ آمون ف ورقة الإجابة وبيتكلم بلغة الفراعنه .. طالب بيقى معندوش امل انه ينجح أصلاً بس بيقنع الدكتور انه يديله تقدير اه والله زي ما بقولك كده 😂

تحية لطلاب الأزهر الشريف علي مر العصور <3 :-D
#شير💙